Iksi skutella kbira jew skutelli żgħar ta’ kull porzjon individwali bi cling film. Iksi l-iskutelli b’saff ta’ sponge mqattgħa mad-dawra kollha, imbagħad xarrab bil-meraq tal-ananas riżervat billi tuża pinzell tal-għaġina. Idlek kollox sewwa bil-ġamm. Imla b’saffi alternanti taż-żewġ ġelati differenti, il-biċċiet taċ-ċikkulata, il-biċċiet tal-ananas u l-ġellewż. Fl-aħħar għatti b’saff ta’ sponge u ffriża għal 4 sigħat jew għal matul il-lejl. Meta tkun lest, agħmel meringue billi tħawwad l-abjad tal-bajd. Kompli ħawwad waqt li żżid iz-zokkor u l-meraq tal-lumi sakemm ikollok meringue iebsa. Aqleb il-kejk iffriżat, neħħi l-cling film u poġġi fuq trej tal-ħami infurrat. Ifrex il-meringue fil-wiċċ malajr u għati kulur kannella bi blow torch jew inkella fil-forn f’temperatura ta’ 220°C għal ftit minuti. Servi immedjatament.