Immarina l-fletti tal-lampuki fiż-żejt taż-żebbuġa, meraq ta’ nofs lumija u dark soy sauce għal mill-inqas 30 minuta. Meta tkun lesta, sajjar il-fletti tal-lampuki fuq naħa waħda sakemm jieħdu l-kulur kannella dehbi ġo taġen sħun li ma jeħilx. Roxx bil-melħ, bżar u paprika affumikata, aqleb u sajjar min-naħa l-oħra. Sadanittant, qatta’ l-ħjar u t-tadam f’dadi puliti, ħawwad flimkien maż-żebbuġ, tursin imqatta’, melħ, bżar, weraq tal-insalata friska u mgħarfa żejt taż-żebbuġa. Fi skutella oħra, ħawwad flimkien il-kappar imqatta’, il-mayonnaise u l-qoxra tal-lumi. Saħħan il-ħobż ċatt sakemm ikun artab, ferrex bil-hummus u poġġih fuq platt biex isservi. Poġġi l-weraq tal-insalata fuq il-platt, imbagħad żid l-insalata tal-ħjar u l-ħut imsajjar. Idlek bit-taħlita tal-kappar u servi ma’ biċċiet żejda tal-lumi.