Aħsel u qatta’ l-brunġiel mit-tul, ħawwar sew bil-melħ u l-bżar u aqli jew aħmi biż-żejt taż-żebbuġa sakemm jirtab. Ħallat l-irkotta ma’ bajda mħabbta, noċemuskata, spinaċi, pine nuts u 2 imgħaref ġobon parmiġġjan maħkuk u ħawwar sew bil-melħ u l-bżar. Poġġi kuċċarina tat-taħlita tal-irkotta fin-nofs tal-brunġiel flimkien ma’ werqa friska tal-ħabaq u rrombla sewwa. Poġġi ġenb ma’ ġenb f’dixx tal-ħami midluk bix-xaħam, għatti biz-zalza tat-tadam, xerred il-krema u l-bqija tal-parmiġġjan u aħmi fil-forn f’temperatura ta’ 200°C għal 20 minuta. Sadanittant, għaddi l-blalen tal-mozzarella mid-dqiq, imbagħad għaddi mill-bajd imħabbat li jifdal u iksi bil-frak tal-ħobż. Aqli fiż-żejt veġetali jaħraq sakemm isiru kulur kannella dehbi. Immedjatament ixxotta fuq karta tal-kċina u servi l-mozzarella tqarmeċ mar-rombli tal-brunġiel.