Neħħi x-xaħam żejjed mis-sider tal-papri u ħawwar bil-melħ u l-bżar. Issiġilla l-ġilda tal-papra min-naħa t’isfel f’taġen niexef u jaħraq għal 2 minuti, aqleb is-sider u sajjar għal 2 minuti oħra. Iksi bl-għasel u l-meraq tal-larinġ u dawwar fi glaze. Ittrasferixxi fuq trej tal-ħami, ferrex biż-żerriegħa tal-ġulġlien u kompli sajjar f’forn imsaħħan minn qabel għal madwar 8 minuti sakemm issir skont il-gosti tiegħek. Sadanittant, ferrex l-inbid fit-taġen tal-qali u ħallih jevapora, imbagħad, ħawwad l-istokk tat-tiġieġ u erġa’ rriduċi sakemm iz-zalza tiħxien ftit. Dawwar fiċ-ċikkulata u l-bżaru mqatta’ u neħħi minn fuq in-nar. Saħħan taġen ieħor u qalli flimkien il-basla, il-karrotta u l-pancetta għal 4 minuti sakemm jismaru. Żid il-qastan, il-meraq tal-larinġ, it-tursin imqatta’ u l-krema u ħalliha ttektek sakemm tiħxien. Poġġi t-taħlita tal-qastan fiċ-ċentru ta’ 2 platti u servi flimkien mal-patata ħelwa. Aqsam il-papra min-nofs u serraħ fuq in-naħa ta’ fuq, imbagħad temm billi tifrex ftit  zalza taċ-ċikkulata madwar il-platt.