Għall-għaġina, ħawwad fi krema l-butir u z-zokkor flimkien sakemm jiħfief, imbagħad ħawwad il-bajda, il-vanilja u l-qoxra u l-meraq tal-larinġa. Żid id-dqiq u ħawwad biex tifforma għaġina ratba. Itfa’ fil-friġġ għal 30 minuta biex tissoda. Irrombla l-għaġina fuq wiċċ bi ftit dqiq u fforma f’ċirku oħxon ta’ 5 mm kbir biżżejjed biex jgħatti l-bażi u l-ġnub ta’ landa tal-flan ta’ 22cm. Aqta’ ż-żejjed u ħejji l-mili. Poġġi l-golden syrup, iz-zokkor u l-butir ġo kazzola u saħħan sakemm il-butir idub. Ħallih jiksaħ ftit qabel ma żżid il-bajd u mbagħad iċ-ċikkulata mdewba. Ferra’ t-taħlita fil-qoxra tal-għaġina ppreparata u aħmi  f’temperatura ta’ 175°C  għal 30 -35 minuta jew sakemm tkun soda.