Saħħan iż-żejt f’taġen fond. Sadattant ħallat il-bajd, il-corn flour u l-melħ sakemm ikollok taħlita ratba. Imbagħad itfa’ l-biċċiet taċ-ċanga f’din it-taħlita. Iksihom minn kull naħa, itfagħhom waħda waħda fiż-żejt jagħli u aqlihom sakemm jiħmaru. Neħħihom miż-żejt b’mgħarfa mtaqqba u xxuttahom b’biċċa karta tal-kċina biex tneħħilhom iż-żejt żejjed. Biex tlesti l-insalata ifred il-weraq tal-ħassa u poġġihom fi skutella kbira. Qatta’ l-basal u l-ħjar la ġenba fi strixxi rqaq u b’imħakka tal-ġobon ħokk iz-zunnarija u l-ħjar fi strixxi rqaq. Żidhom mal-weraq tal-ħass u itfa’ wkoll ftit weraq tal-kosbor u l-ħabaq. Imbagħad agħmel it-taħlita għal mal-insalata billi tħallat is-soy sauce, il-ħall tar-ross, il-meraq tal-lime, in-nofs bżaru tal-filfel, u l-bżar u l-melħ. Żid din it-taħlita mal-insalata u ħawwad tajjeb. Servi l-insalata fi platti fondi. Fl-aħħar nett, ħallat iz-zalza ħelwa tal-filfel mal-biċċiet taċ-ċanga li tkun sajjart qabel u poġġihom fuq l-insalata. Ferrex ftit żerriegħa tal-ġunġlien fil-wiċċ.